أخبار الإجتماع الشهرى مع أستاذتنا

السلام عليكم ورحمة الله وبركاته
ياجماعة دة أول موضوع ليا فى المنتدى مع إنى عضوة فيه بقالى فترة مش كبيرة أوى بس مش مشكلة يعنى
إنتوا طبعا كلكم كنتم عارفين إن كان فيه إجتماع النهاردة فى نادى الرى وطبعا أنا بجد بشكر الأستاذة الجميلة سحر فوزى ع اهتمامها بينا وإنها تعبت نفسها النهاردة وجت علشان تقابلنا وتفهمنا كل حاجة وكل اللى كان عاوز حاجة كانت بتقوله ع طول
أدخل فى الموضوع بقا لإنها بجد إنسانة مهما اتكلمت عنها وعن روحها الجميلة مش هقدر أوصفها
انا حبيت بس أحكيلكم عن اللى أنا شخصيا استفدته من الاجتماع دة وهو بجد اجتماع لذيذ جدا وكفاية إنى اتعرفت ع ناس جديدة وبجد كان جروب زى العسل وبنات جميلة جدا وأنا بجد دى حاجة فرحت بيها جدا علشان أنا بحب الناس جدا وبحب أتعرف ع ناس جديد وخصوصا لما يكونوا زى العسل كدة زى اللى عرفتهم النهاردة دة غير بقا أن كالن عندى معلومات غلط ومش فاهماها كويس والحمد لله المعلومات دى اتصلحت وفهمت أكتر وكمان الإجتماع دة حلو فى إننا بنعرف من بعض الحاجات اللى عجبتنا واللى طلعت كويسة معانا علشان كلنا نستفيد من بعض وكمان اللى قابلته مشكلة مثلا بنحاول نلاقى حل ليها ونتجنبها بعد كدة
المهم بجد الاجتماع كان كويس جدا وكل شهر وكلكم طيبين إن شاء الله ويارب الشهر الجاى الجروب يكبر ونتعرف أكتر ع بعض ونستفيد من بعض أكتر

ربنا يخليكى ياشوشو يارب والله انا اللى سعيدة جدا إنى اتعرفت عليكى ياحبيبتى وإن شاء الله نتقابل تانى على خير

ان شاء الله

يا رب أعرف أحضر الإجتماع الجاى